Se tedes pensado facer o Camiño de Santiago, prestade atención ao que nos propón o alumnado de 3º E.P. do CEIP "Os Muíños". Desde a súa experiencia e a través do decálogo do peregrino móstranos as principais necesidades que poden axudar a calquera camiñante.
O venres 11 de xuño, o alumnado de 5º E.P. percorreu un tramo do Camiño de Santiago desde os Muíños ata Muxía.
Se queres acompañalos nesa aventura, preme na imaxe.
O alumnado de 5º E.P. inscribiuse este curso, por primeira vez, no programa promovido pola Voz de Galicia "Prensa-escola" que pretende fomentar o uso da prensa na aula como unha ferramenta pedagóxica máis.
Todos os mércores, na Hora de Ler, len a prensa e deseñan actividades relacionadas co PDI "Facemos camiños".
Neste caso a actividade consiste en buscar información sobre o achado dos restos do apóstolo: nome do ermitán que deu co lugar; nome do bosque no que agora está a catedral; como foron trasladados os restos desde Terra Santa ata Santiago...
Primeiro localizan a información na noticia e a marcan cun subliñador.
Despois responden un cuestionario que teñen na libreta.
Os peregrinos de 3º, na última sesión de plástica do ano 2020, preparándose para o XACOBEO 2021. Debuxaron cadanseu peregrino coa equipaxe necesaria para iniciar o camiño: sombreiro, capa, botas, bastón, zurrón, máscara...
O Xacobeo ou Ano Santo Compostelán é un ano especial para o Camiño de Santiago. O ano Xacobeo ten lugar cada seis, cinco, seis e once anos. Isto acontece cando o 25 de xullo, Día de Santiago Apostol, cadra en domingo. Esta coincidencia dase catorce veces cada século. E este 2021 é unha delas.
Grazas á colaboración de todo o alumnado e mestres, así luce a nosa árbore.
